【北海道二世古】學Snowboard、住Green Leaf滑雪記

洗費 1) 5日4夜Package：HK$10,960 (機票：國泰直航、酒店：The Green Leaf Niseko Village) 2) 溫泉稅 4晚：¥600 3) 機場─酒店來回巴士：¥6,800  >White - Liner 網上訂座 (3日前免費取消)< 4) Group Lesson 4小時：¥10,000 5) Lift Pass 2日劵：¥8,600 6) Snowboard & Boots 租3日：¥15,000  >租雪具價錢(p.7)< First Day：香港→新千歲機場→酒店 2016年2月底，香港時間09:15起飛，日本時間14:50落機，過哂關到了入境大堂，向右邊行幾步會見到White-Liner的櫃枱，報到完就去附近便利店買壽司。半小時後，即16:00在便利店對出集合，有職員帶上車。去到Green Leaf差不多19:00，中間會有一個休息站，停10分鐘給大家去洗手間或買小吃。 酒店 ─ The Green Leaf Niseko Village Reception 英文溝通完全無問題。 Wifi 全酒店都有Wifi覆蓋。 房景 *北海道的天氣，加上房間的暖氣，令室內變得非常乾燥，建議自己帶個小型放濕機。 餐廳 早餐 Buffet，最遲09:00入座，逼你早d出去玩:) 早餐最欣賞蕃茄仔！ 午餐 Lunch Set，¥1,000-1,400左右，飲品另計。 晚餐 無Set，只有Buffet，好似約¥2600/位。有長腳蟹、甜蝦、壽司、熟食、甜品、雪糕等。甜蝦真係無得頂！超級鮮甜！ Bar 飲野、小食，如雞翼薯條、炸魚薯條。午餐有Burger個d食，好似至到17:30。 最喜歡晚上，開了火爐、對著雪景、坐在梳化、談天說地... 小店/零食機 Reception旁邊有一間小店，有售雪糕、飲品、杯麵、零食、冷帽、手套、雪鏡、馬油、名信片等等。此外，每層住房的Lift口都有零食機(有杯麵)和汽水機。 免費穿梭巴士 晚飯時間的班次比較密，可以去比羅夫/Hilton吃飯、行街。 ▼ 比羅夫最熱鬧，最多餐廳和店舖 溫泉 無試過在房沖涼，因為每晚的重點節目就是浸溫泉:) 在露天區，落雪、松樹、月亮、霧氣、流水聲，是一天美好的句號。每人每晚收¥150溫泉稅，check out的時候付。 免費Locker / 租雪具、報課程 雪具無須拎上房，每間房都會獲分配一個在地下的Locker。Locker前面就有Counter租雪具和買Lift Pass (08:00-19:00)、報課程/活動 (08:00-16:30)。Locker後面一出就是滑雪場啦！ 如果租了Snowboard，玩玩下想轉Ski都得，每次轉要付¥900手續費。 滑雪 Q & A Q1) 滑幾多日先夠？ 視乎個人喜好、體力和金錢，1日半日又得，10日8日都得。初學Snowboard所需的體力比Ski多，所以3日是一個幾理想的時間，第1日學，第2日練習，第3日基本掌握。初學Ski，1日都應該基本掌握。 Q2) 上幾多日堂好？ 個人認為半日太少，2日太多，1日剛好。第2日可以自己再摸索和練習，而且自己玩彈性大d，想去邊、幾時去都得。 非旺季有個好處，付出Group Lesson的價錢，享受Private Lesson的質素，就只有我和朋友2個人呢！  >課程價錢、網上留位(3日前可免費取消)<  4小時課堂經驗分享 10:00-12:00 在山腳學基本姿勢、Heel Side、Stop → 坐Community Chair滑落尼 13:30-15:30 坐Banzai Chair 學Toe Side和S Turn Q3) 上堂同導師溝唔溝通到？ 雖然Private Lesson可以選擇Native English Speaking Instructor，但實在太貴，而且唔包Lift Pass，所以我們報Group Lesson (上課期間包Lift Pass)。Group Lesson多數由日藉導師教授，他們用英文教學和溝通基本上都無問題！ Q4) 初學者應該玩咩路線？坐邊條纜車線上山？ Niseko Village基本上有4條纜車線，建議初學者可以在Banzai Chair練習，基本學識就可以直接上 Niseko Gondola >路線圖< Community Chair (20:00前關閉) 最矮，在Hiton那邊，人比較多 Banzai Chair (20:00前關閉) 高少少，好玩d，條路闊d，人又少d Mori-no Chair (最後登車時間好似大約是15:30) 高一倍，在山腰滑落尼，山腰個段路都幾窄 Niseko Gondola (廂式纜車，我去o個幾日的最後登車時間是15:30) 反而山頂d 路好開闊，只要跟住綠色「初級Beginner」的指示牌落山就唔難滑！坐Niseko Gondola上到頂之後，滑落一個斜坡，就會見到海拔1000米的The Lookout Cafe，位於Wonderland Chair入口旁邊，有正餐食、有野飲，望住個高山景嘆番杯真係唔錯！ *如果由Green Leaf出發，可以先滑去坐Banzai Chair，然後滑去Community Chair、Niseko Gondola 或 Mori-no Chair，就唔洗行上斜咁辛苦喇。 Q5) Lift Pass點買法？ 第一次玩的話： - 買單一滑雪場的纜車券都應該夠玩，未必需要全山纜車券(4個滑雪場均通用)。 -「點數券」應該最抵，每點¥320。在Niseko Village，所有Chair都是1p，即是1點，除了Niseko Gondola要4點。如果搭得多Niseko Gondola，就不妨買單一滑雪場(Niseko Village)的Day Pass。 我自己第一次玩，平均每日搭2次Niseko Gondola、5-7次Banzai Chair，所以買Day Pass抵d。 >Lift Pass價錢及種類(p,8)< >路線圖(包括點數資料)< Q6) 滑雪點著法？ 2月底的氣溫平均為-3至-4度，加上滑雪時一直運動，所以唔太凍。我自己的穿法如下： 上身 (3層)：保暖內衣、薄抓毛衫、防水/防風外套 (或雪褸) 下身：薄leggings打底 (作用是吸汗多過保暖)、雪褲、厚襪 (長至小腿) 配件：冷帽、雪鏡、滑雪手套、圍巾 (布質或抓毛都得，怕凍可以用抓毛，我自己比較喜歡抓毛無咁貼面) >可參考另一位Blogger ─ 玩Snowboard既基本裝備< Q7) Snowboard新手小貼士 打橫塊板 (Sideslip)： Heel Side - 眼望前方正面落，想去右邊，就右腳踩油 (好似揸車咁落Toe) Toe Side - 擰轉身，望住山頂，背住前面落。想去右邊，就右腳落Heel 有用連結 >Niseko Village White Guide 2015-16< >Niseko Village White Guide< Last Day：酒店→新千歲機場→Rera Outlet→新千歲機場 19:00機，所以先去機場旁邊的Rera Outlet行下，機場有免費穿梭巴士 >時間表< >Outlet Locker價錢/位置< 日本滑雪相關文章 >【日本溫泉x滑雪】赤倉溫泉滑雪場 1次滿足2個願望！< >【長野 梅池高原】滑雪初哥天堂~5日4夜$9000有找！< >【日本万座溫泉】離星星最近的男女混浴觀景溫泉 x 滑雪之旅< >【東京滑雪樂】75分鐘直達Gala湯澤滑雪場！< >【北海道 富良野】5日4夜滑雪假期 $9000唔洗！< >【北海道二世古】學Snowboard、住Green Leaf滑雪記< 北海道相關文章 >【北海道】夏の星野Tomamu懶人包< 如果喜歡我的文章，記得按頁頂右面的「追蹤」:D 想睇下我平時生活去邊玩，歡迎follow IG>ipjane< THANKS FOR SUPPORT *V* #日本 #北海道 #滑雪 #二世古 #snowboard #green leaf #locker (此文章由U Blog 同步發佈至社群)